Abraham David Christian ch'è naschì l'onn 1952 a Düsseldorf, è dapi sia emprima participaziun a la Documenta 5 a Kassel sco giuvenot da 20 onns, in artist che lavura sin plaun internaziunal e che ha ateliers a Düsseldorf, a New York, a Tokyo e dapi paucs onns er a Cuira. Suenter sias sculpturas da terra dals onns 1970, las qualas s'avischinavan a l'art minimal ed a l'art pover, è el sa concentrà en sias ovras posteriuras sin la lavur cun palpiri e cun chartun ed ha culà sias sculpturas fragilas en gip u en bronz. Uschia èn savens resultadas gruppas d'ovras, da las qualas mintga singul object è caracterisà tras ina reducziun radicala. Quai vala er per ses dissegns, sin ils quals el pendulescha vi e nà tranter furmas libras e segns zunt particulars. L'exposiziun en il Museum d'art dal Grischun dat ina survista davart l'activitad da quest artist, quai en ina preschentaziun concentrada ed accordada cun las localitads specificas. Ultra da quai vegnan singulas ovras da l'artist exponidas or en il liber en tscherts lieus dal Grischun.

L'exposiziun è vegnida concepida e creada en stretga collavuraziun cun l'artist. Ella vegn accumpagnada d'ina publicaziun cun fotografias da Gaudenz Signorell.