Spezialmain per uffants da 6 fin 8 onns han las intermediaturas d'art sviluppà ina purschida che sveglia l'interess per ovras d'art e che maina cun gieus e cun furmaziuns ad atgnas creaziuns. Cun l'intermediatura d'art Simone Flüeler.

Mintga 2 mais la mesemna suentermezdi, mintgamai da las 14.00 – 16.00
Lingua: tudestg
Custs: 10.00 francs
Annunzia: necessaria

Infurmaziun ed annunzia
kunstvermittlung@bkm.gr.ch
T + 41 81 257 28 72

La percepziun e las dumondas dals uffants da 9 fin 12 onns davart las exposiziuns e davart las ovras d'art vegnan prendidas serius. Lur ideas e lur munds da viver giogan ina rolla impurtanta per discurrer davart las scuvertas e per s'occupar artisticamain da quellas. En il process creativ vegni er fatg experientschas cun la tecnica e cun l'artisanadi. Cun l'intermediatura d'art Simone Flüeler.

Mintga 2 mais la mesemna suentermezdi, mintgamai da las 14.00 – 16.00
Lingua: tudestg
Custs: 10.00 francs
Annunzia: necessaria

Infurmaziun ed annunzia 
kunstvermittlung@bkm.gr.ch
T + 41 81 257 28 72

Ina promoziun linguistica tut speziala metta il Museum d'art dal Grischun a disposiziun cun la purschida da l'Intermediaziun d'art en rumantsch. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa.
Cun l'intermediatura d'art Alexa Giger (lingua materna: rumantsch)

Mintga 2 mais la mesemna suentermezdi, mintgamai da las 14.00 – 16.00
Lingua: rumantsch (sursilvan)
Custs: 10.00 francs
Annunzia: necessaria

Invista da l'Atelier rumantsch
Il Minisguard dad RTR ha visità l'Atelier rumantsch
(a partir da minuta 4:15)

Infurmaziun ed annunzia
kunstvermittlung@bkm.gr.ch
T + 41 81 257 28 72

Ina promoziun linguistica tut speziala metta il Museum d'art dal Grischun a disposiziun cun la purschida da l'Intermediaziun d'art en talian. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa. Cun l'intermediatura d'art Sabine Jörin.

Mintga 2 mais la mesemna suentermezdi, mintgamai da las 14.00 – 16.00
Lingua: talian
Custs: 10.00 francs
Annunzia: necessaria

Infurmaziun ed annunzia
kunstvermittlung@bkm.gr.ch
T + 41 81 257 28 72

Vernissascha per uffants
Uffants sur 7 onns èn envidads ad ina vernissascha tut particulara cun ina visita guidada che serva a scuvrir l'art, cun ina part creativa en l'atelier e cun in aperitiv da tuttas colurs.
Lingua: tudestg
Custs: gratuita
Annunzia: betg necessaria 

Anniversaris d'uffants da tuttas colurs
En il Museum d'art dal Grischun pon uffants festivar in anniversari da tuttas colurs e creativ cun lur amias ed amis. Ils geniturs portan la turta e las bavrondas.
Lingua: tudestg, rumantsch (sursilvan), talian
Custs: 200.00 francs (excl. TPV / incl. entrada)
Durada: 120 minutas
Annunzia: necessaria

Infurmaziun ed annunzia
kunstvermittlung@bkm.gr.ch
T + 41 81 257 28 72

CUC – Il plan d'exploraziun per uffants
Il plan d’exploraziun «CUC» è dapli ch’in plan da survista. El scolescha l'egliada per ils stgazis ch'i dat en il museum e guarda davos las culissas dal manaschi da museum. «CUC» envida ils uffants a partir da 6 onns – tut sulets u cun ils geniturs - a smirvegliar, a scuvrir ed ad emprender d'enconuscher il Museum d'art dal Grischun. Plaschaivlamain chaminan ils uffants e lur famiglias tras il tract nov e tras la Villa Planta. Cun observar, cun dissegnar e cun schliar las engiavineras vegn explorà il Museum d'art.
Il plan d’exploraziun en las trais linguas chantunalas po vegnir retratg gratuitamain a la cassa dal museum.

Plan da la citad per uffants
Quest plan accumpogna uffants tras la citad veglia da Cuira en ils trais museums chantunals. Sin la via fin là pon els scuvrir bleras chaussas captivantas e nunspetgadas. Arrivads en il museum, cuntinuescha il viadi d'exploraziun cun gieus e cun engiavineras.
Il plan da la citad per uffants datti gratuitamain en ils museums da Cuira sco er tar l'Infurmaziun turistica en il sutpassadi da la staziun da Cuira.