Art grischun

La collecziun dal museum d'art dal Grischun reflectescha l'istorgia da l'art grischun da la fin dal 18avel tschientaner fin al temp preschent. Latiers na tutgan betg mo ovras singulas impurtantas e vastas gruppas d'ovras d'artistas e d'artists dal Grischun ch'èn enconuschents sin plaun naziunal ed internaziunal sco Angelika Kauffmann, la famiglia Giacometti, Andreas Walser, Alois Carigiet, Lenz Klotz, Matias Spescha, Not Vital, HR Giger u Zilla Leutenegger. En la collecziun sa chattan er lavurs d'artistas e d'artists che han ina relaziun cun il chantun Grischun sco Giovanni Segantini, Ernst Ludwig Kirchner, Varlin, Roman Signer, Heiner Kielholz, Richard Long u Miriam Cahn.

Cun quests accents da la collecziun pon d'ina vart vegnir intermediads princips caracteristics e da l'autra vart preschentadas tschertas posiziuns singulas che enritgeschan il maletg da la cuntrada culturala dal Grischun.