INTRODUCZIUN EN LAS EXPOSIZIUNS TEMPORARAS
Il Museum d'art dal Grischun a Cuira porscha a las persunas d'instrucziun ina introducziun cumplessiva en l'exposiziun actuala ed en ovras elegidas.

Per il stgalim secundar II, per la scola professiunala spezialisada, per la scola auta
Introducziun en l'exposiziun temporara cun infurmaziuns curtas e simplas. Cun la curatura u il curatur da l'exposiziun.
Lingua: tudestg
Durada: 60 minutas
Custs: gratuita
Annunzia: necessaria

Per la scolina, per il stgalim primar, per il stgalim secundar I
Introducziun en l'exposiziun temporara cun impuls metodics e didactics.
Lingua: tudestg
Durada: 120 minutas
Custs: gratuita
Annunzia: necessaria

CURS E FURMAZIUNS SUPPLEMENTARAS
Furmaziun supplementara davart la collecziun dal museum.
Lingua: tudestg
Durada: 180 minutas
Custs: gratuits
Annunzia: necessaria

Infurmaziun ed annunzia 
kunstvermittlung@bkm.gr.ch
T +41 81 257 28 72

 

  

 

Il discurs d’art ha lieu exclusivamain davant ils originals ed è concepì confurm al stgalim da scola respectiv. Partind dal mund d’experientscha individual da las participantas e dals participants vegn tschertgà in dialog. Elements interactivs durant la visita guidada porschan a las scolaras ed als scolars supplementarmain in access experimental e material a las ovras.

PURSCHIDAS PER CLASSAS DA SCOLA TAR LAS EXPOSIZIUNS ACTUALS   

Exposiziun annuala da las artistas e dals artists dal grischun
13-12-2020 fin 21-02-2021
L'exposiziun dat ina survista da la lavur artistica actuala prestada en il Grischun e davart il Grischun. En il discurs d'art exercitain nus la critica d'art. Per quest intent simulescha la classa in process fictiv davant dretgira. Cun formular plants, cun nominar defensurs che defendan l'ovra ed ils artists e cun nominar giuraders che interrogheschan perditgas, duai resultar ina discussiun animada davart l'art contemporan.

COLLECZIUN
Cuntradas
Artistas ed artists influenzeschan cun lur preschentaziuns nossas ideas davart cuntradas. En il discurs d'art ans deditgain nus a las dumondas tge ch'è cuntrada e co ch'ella po vegnir preschentada.

Tgi sun jau?
En il center stat la contemplaziun da purtrets e d'autopurtrets. Partind da quai analisain nus, co ch'ina artista u in artist exprima caracter ed identitad en in'ovra cun agid da penelladas e da colurs.

La famiglia Giacometti
Las scolaras ed ils scolars emprendan d'enconuscher la dinastia d'artists dals Giacometti dal vitg bregagliot Stampa. Davant ils maletgs, las sculpturas e l'artisanadi vegn sclerida l'influenza da la cuntrada ed i vegn dumandà, co ch'ils artists respectivs han recepì quella en moda artisticamain differenta.

 

En l'exposiziun temporara u en la preschentaziun permanenta da la collecziun s'occupan las scolaras ed ils scolars sco emprim da las ovras originalas. La segunda part da l'occurrenza ha lieu en l'atelier, nua che las scolaras ed ils scolars approfundeschan lur experientschas en moda creativa. Il lavuratori vegn adattà al stgalim da scola respectiv. 

PURSCHIDAS PER CLASSAS DA SCOLA TAR LAS EXPOSIZIUNS ACTUALS 
Roman Signer. Skizzas
04-10 fin 28-02-2021
L'artist svizzer Roman Signer è enconuschent per ses art d'objects ch'èn en moviment. L'art fima, sibla u explodescha. Er sch'il caracter experimental è in element impurtant, ston las ovras vegnir planisadas detagliadamain. En il lavuratori vegnin nus a reconstruir cuminaivlamain en l'atelier in'ovra da l'artist a maun d'ina skizza or da l'exposiziun.

COLLECZIUN
Tge colur ha il tschiel?
Dumonda simpla: natiralmain blau! Ma èsi propi uschia? A maun da contemplaziuns da maletgs empruvain nus da respunder questa dumonda e rimnain «colurs dal tschiel» ch'ans dattan l'inspiraziun per in agen maletg dal tschiel en l'atelier.

Cuntradas
Artistas ed artists influenzeschan cun lur preschentaziuns nossas ideas davart cuntradas. En il discurs d'art ans deditgain nus a las dumondas tge ch'è cuntrada e co ch'ella po vegnir preschentada. En il lavuratori mettain nus – en las cuntradas malegiadas da nus sezs – il focus sin il stil, sin la colur e sin la tscherna dal motiv.

Tgi sun jau?
En il center stat la contemplaziun da purtrets e d'autopurtrets. Partind da quai analisain nus, co ch'ina artista u in artist exprima caracter ed identitad en in'ovra cun agid da penelladas e da colurs. Las observaziuns vegnan applitgadas suenter en l'atelier cun far in autopurtret.

La famiglia Giacometti
Las scolaras ed ils scolars emprendan d'enconuscher la dinastia d'artists dals Giacometti dal vitg bregagliot Stampa. Davant ils maletgs, las sculpturas e l'artisanadi vegn sclerida l'influenza da la cuntrada ed i vegn dumandà, co ch'ils artists respectivs han recepì quella en moda artisticamain differenta.

Persunas d'instrucziun dastgan gugent manar sezzas lur classa tras il museum. Per As preparar per la visita dal museum As stat a disposiziun litteratura spezialisada en nossa biblioteca.

Las classas senza manadra u manader ston vegnir annunziadas a l'Intermediaziun d'art.

Da nov organisescha l'Intermediaziun d'art projects pli pitschens. Quests projects èn deditgads ad in'exposiziun, ad ina tecnica, ad in'artista u ad in artist. Il mument na vegn planisà nagut, uschespert ch'i vegn preparà in nov project, As infurmain nus qua.

Appetito per l'arte?

Vi offriamo qui assaggi di arte. Questi assaggi sono ideali per l'insegnamento per il tempo libero.

L'Intermediaziun d'art dal Museum d'art dal Grischun metta a disposiziun materialias d'instrucziun per tut ils stgalims da scola. Cun Voss agid emprendan las scolaras ed ils scolars d'enconuscher differentas artistas e differents artists enconuschents dal Grischun. Ultra da quai èn las materialias er adattadas per preparar u per evaluar ina visita dal museum.
Sin dumonda pon las materialias vegnir emprestadas en la biblioteca da l'Intermediaziun d'art.

MEDS D'INSTRUCZIUN
Ils suandants meds d'instrucziun tar la collecziun dal Museum d'art dal Grischun pudais Vus cumprar u empustar online en la Butietta da museum ubain emprestar en la biblioteca da l'Intermediaziun d'art:

Luna. Eine Nacht im Museum. Ina notg en il museum. Una notte al museo.
Kirchners Katze – Ein Kinder-, Kunst- und Lesebuch
Giovanni Giacometti – Auf spielerische Art mit Kunst vertraut werden
Giovanni Giacometti – Lehrmittel

STGATLA DAL MUSEUM
La stgatla dal museum vegn duvrada en l'instrucziun. Ella serva per preparar e per evaluar ina visita dal museum. La stgatla dal museum dat ina survista davart la vita e davart l'ovra d'ina artista u d'in artist ubain davart in tema specific.

Temas Disponibels, Artistas ed Artists:
Luna. Eine Nacht im Museum. Ina notg en il museum. Una notte al museo. Una notte al museo.(Infurmaziuns PDF davart il cudesch da maletgs e davart l'unitad d'instrucziun)
E. L. Kirchner – Kirchners Katze
Lenz Klotz
Matias Spescha
Skulpturen
Augusto Giacometti

ULTERIURAS MATERIALIAS
Per visitar individualmain l'exposiziun vegni recumandà da consultar il plan d'exploraziun CUC u il plan da la citad per uffants. Ulteriuras infurmaziuns en chaussa ed ils documents per chargiar giu chattais Vus qua.