Artistas ed artists scuvran adina puspè da nov il potenzial da serias e da variaziuns. Quai als permetta da sviluppar in tema u da contemplar chaussas ord perspectivas alternantas. Els giogan cun ils meds artistics gist tuttina sco cun la libertad da tschertgar pussaivladads concepziunalas individualas er en urdens interdisciplinars e da chattar midavistas nunspetgads – tuttavia er sin il tema da l'exposiziun.
Tge ideas e tge visiuns èn colliadas cun serias e cun variaziuns? La Collecziun grischuna d'art ha blers exempels per quai. Qua vegn mussada ina schelta da quels.