Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2019

​​​​PassiUN. maletgs da la chatscha
22-06 FIN 27-10-2019​

En nagin auter chantun da la Svizra n'è la chatscha uschè preschenta en la publicitad sco en il Grischun. Il museum d'art dal Grischun deditgescha ad ella ussa per l'emprima giada ina gronda exposiziun che va però lunsch sur il Grischun ora. Ella dumonda suenter constantas e midadas en la preschentaziun ed en l'interpretaziun da la chatscha sco ina tecnica culturala multifara, derasada sin il entir mund. Ed ella contemplescha il tema ch'è francà solid en la regiun en il context d'art da muntada internaziunala.
La chatscha è gia adina stada dapli che mo la simpla procuraziun da nutriment u la defensiun cunter concurrents d'alimentaziun. Animals da preda tutgan tar ils motivs ils pli vegls da la pictura e da la sculptura. L'exposiziun reflectescha la chatscha, ils chatschaders ed ils chatschads sco ch'els èn vegnids percepids e presentads da l'antica fin al "animal turn" dal temp preschent. Ella tematisescha la mitologia dad Artemis e da Diana fin al sontg Hubertus. Ella fastizescha la parentella tranter Eros e Thanatos, mussa la chatscha sco tribuna da la pussanza, illustrescha l'impurtanza da trofeas e tschenta la dumonda da la cuntrada selvadia sco lieu dalla brama e dal desideri. Ils "maletgs da la chatscha" preschentads en l'exposiziun reflecteschan las pli differentas ideas e furmas e conferman cun quai in tratg caracteristic e fundamental da la chatscha: ella creescha imaginaziuns ed istorgias.

L'exposiziun mussa ovras da:
Judith Albert, René Auberjonois, Balthasar Burkhard, David Chancellor, Jean Siméon Chardin, Carl Friedrich Deiker, François Desportes, Adolf Dietrich, Mark Dion, Albrecht Dürer, Susanna Fanzun, Marc-Antoine Fehr, Carlee Fernandez, Marcantonio Franceschini, Caspar David Friedrich, Franz Gertsch, Anne Golaz, Alex Hanimann, Carl Wilhelm Hübner, Christian Jankowski, Jacob Jordaens, Paul Klee, Pierre Klossowski, Max Liebermann, Anne Loch, Robert Mapplethorpe, Guy Oberson, Jean-Baptiste Oudry, Turo Pedretti, Pablo Picasso, Éric Poitevin, Florio Puenter, Markus Raetz, Peter Paul Rubens, Ernst Georg Rüegg, Erik Schmidt, Roman Signer, Andreas Slominski, Gerda Steiner/Jörg Lenzlinger, Markus Raetz, Félix Vallotton, Not Vital, Jan Weenix, Caspar Wolf, Verena Zoller.
Vitiers vegn ina selecziun d'objects istoric-culturals.



Uras d'averturaMa-Du 10.00 – 17.00 Gi 10.00 – 20.00